Plantun de Prouvènço

Pèr coumpara dos planto d'encò nostre

Eclipta prostrata & Abies grandis

Eclipta prostrata

Asteraceae Compositae

Noms en français : Éclipte blanche, Mahakanni.

Descripcioun :
Planto de l'an pulèu raro en Prouvènço que nous vèn d'Asìo (levant). Trachis sus li ribo d'aigo. L'eclipto rebalo au sòu, fai de flour coumpausado pulèu pichoto ; li fueio soun óupousado ço qu'èi proun rare encò lis asteraceae.

Usanço :
L'eclipto fai partido de la farmacìo tradiciounalo chinese. Ei proun vertuouso, saro li car, sougno li mau de fege, li plago, e en generau èi bon contro li proublèmo de pèu, e mai enca. Pamens sèmblo pulèu utilisado pèr tencha li chevu que caup un coulouraire naturau negre.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Eclipta
Famiho : Asteraceae
Famiho classico : Compositae

Coulour de la flour : Blanco Jauno
Petalo : >6
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Ribiero - Palun - Risiero
Estànci : à Coulinen
Couroulougi : Pancaro entresigna
Ref. sc. : Eclipta prostrata (L.) L., 1771

Sapin(-grandaras)

Abies grandis

Pinaceae

Àutri noum : Sap, Sapino, Sapi, Abet.

Noms en français : Sapin géant, Sapin de Vancouver.

Descripcioun :
Lou sapin-grandaras trachis naturalamen en Califournìo. En Franço es esta planta pèr lou rebouscage, mai n'i'a quàsi pas en Prouvènço. Sèmblo à nosto sapino, Abies alba, emé lis aguio dins lou meme plan, pamens li fueio soun mai longo (> 4 cm). N'i'a peréu de courteto. Li bourrroun soun resinous e li pigno soun à bratèio dedins. Coumpara emé lou sapin dóu nostre e emé la serento que li pigno pendoulon.

Usanço :
Dèu agué li mémis usanço que la sapino.